Interview Me Kya Poochte Hain? Fresher Ke Top 10 Questions 2026

Interview Me Kya Poochte Hain? Agar aap pehli baar interview dene ja rahe ho to dar l

agna normal hai. Lekin tension mat lo, har company fresher se lagbhag same 10 sawal hi poochti hai.

Aaj hum wahi Top 10 Questions aur unke best jawab dekhenge jisse aapka selection pakka ho jayega.

1. Apne baare me batao? (Tell me about yourself)

Isme puri kahani nahi batani hai. Short aur job se related batao.

Best Jawab: Sir, mai [Apna Naam] hu, maine [College Name] se [Degree] ki hai. Mujhe [2 Skills] me interest hai aur maine [Project] kiya hai. Ab mai apna career aapki company me start karna chahta hu.

2. Aap is company me kyu kaam karna chahte ho?

Company ke baare me Google par 2 line padh kar jao.

Best Jawab: Sir, aapki company [Company ki ek achi baat] ke liye famous hai. Yaha mujhe seekhne ko milega aur mai apni skills se company ko grow karne me help karunga.

3. Aapki Strength kya hai?

Best Jawab: Meri strength hai jaldi seekhna aur team me kaam karna. Mujhe MS Excel aur Communication achi aati hai.

4. Aapki Weakness kya hai?

Best Jawab: Kabhi kabhi mai ek kaam ko perfect karne me zyada time de deta hu. Par ab mai time management par kaam kar raha hu.

5. Aap apne aap ko 5 saal baad kaha dekhte ho?

Best Jawab: 5 saal baad mai apne aap ko isi company me ek responsible position par dekhta hu, jaha mai team ko lead kar raha hu.

6. Experience nahi hai, hum aapko kyu hire kare?

Best Jawab: Sir experience to kaam karke hi ayega. Mere paas seekhne ka junoon hai, mai hardworking hu aur poora dedication se kaam karunga.

7. Salary Expectation kya hai?

Best Jawab: Sir mere liye abhi salary se zyada seekhna important hai. Company ke rules ke hisab se jo bhi fresher ko diya jata hai, mujhe manjoor hai.

8. Kya aap relocation ke liye ready ho?

Best Jawab: Yes sir, mai ready hu.

9. Aapke koi sawal hain?

Kabhi bhi 'Nahi' mat bolo. Ye pucho: Sir, is role me ek din ka kaam kaisa hota hai? Training milti hai kya?

10. Stress me kaise kaam karte ho?

Best Jawab: Sir mai kaam ko parts me tod deta hu aur priority set karta hu, isse stress kam hota hai.

Interview Ke Liye 3 Golden Tips

• Dress: Formals pehno, light color shirt.
• Time: 15 min pehle pahuncho.
• Confidence: Aankh me aankh milakar baat karo.

Conclusion

In 10 sawalon ke jawab ek baar likh lo aur sheeshe ke samne 2-3 baar practice kar lo. Aapka selection pakka hai.